مضت أيام مطبوعة وسط كل عين في هذا الماتم وحضنه الى آوانه
شكثر أحلام محمولة على الرمشين ويشهد بيها كل حايط وبنيانه
على الجدران مكتوبة من الصوبين وصارت للوفه ياناس عنوانه
وأكيد الليله حضرت بلوفه لحسين تهني زينب بفرحتها ويانه
أناشد كل فرد بس أيتئكد زين ويرجع ذكريات العمر وازمانه
وعلى هلباب خلنه نوجه العينين ونذكر سيد احسين الى ربانه
ربينه صغار في عضنه ربينه سنين ولا ننساه ولا ضنه بينسانه
ولونسكت للحضة وكلنه ننسط زين وكل واحد بصمته يفتح آذانه
بنسمع كلنه ونه اتذاعب الأذنين وبجي حجي أحمد إحبيبه الى جافانه
ضرير وخطوته محسوبه لجل إحسين يشوف الدرب للماتم بوجدانه
وأبونه حجي سلطان أرد أسايل وين ومكانه خالي منه ومااجى ويانه
يبو إبراهيم ضل نايم قريرالعين ترى الماتم ابد ماينسى جيرانه
دموعك ياالي سالت تحفر الخدين ترى ضلت في هلماتم وتربانه
واسم ماضن أوفي حقه إبيتين وقصيدي وشعري مايوفيه بوزانه
بقول احمد ربيعه وببتدي من وين كتاب وكلنه نقرى بسمه عنوانه
أشوفه محزم ويركض وسط صفين يصيح بصوت عالي مشمر اردانه
ويشدو دون ماعوداَ ولا اوتار
مترنمٌ في حب العترة الاطهار
يحيطه الكل صغار وكبار
ويدعو صارخاٌ بسم النبي المختار
ونحنٌ نصلي على النبي محمد صآل الله عليه وآله وسلم
كتبت براحة ايدي ياخلق حرفين لطه المصطفى والروح نشوانه
علي حب النبي مايختلف صخصين ومثل هلماتم الى تشيده آبانه
نفس حجي حسن لمئذن بلذنين يضل محفوربلماتم وحيطانه
يقرى قصيده بحب ابوالحسنين تسمعه شلون يترنم ابألحانه
ويمه حجي عيسى بس يديو العين عشق حيدر يذوبه وينطق السان
يمد هذه سطر وهذه يمد سطرين سفينه الماتم ولثنين ربانه
ومداح الوصي يسمون بلأيثار
اذا قالوعليِ تنصط لأحجار
وفي عمق الدياجي تشعل الانوار
ونحنو في صداهم نقتفي الاثار
ونشدو بحب النبي محمد صل الله عليه وآله وسلم
وتضل أسماء ولو مرت بعدقرنين تضل بكفت الميزان رجحانه
وتضل ارواح ومايحجبهاحتى البين ولوهي فارقت هليوم دنيانه
ولو تسئل مئآتم معضم البحرين بتعرف اسم مآل الله وعضم شانه
ولوتسئل منابرها من الجنبين تقول اسنين آنسنه وبجانه
عِلم واخلاخ ومتواضع وصط قوسين وكل كلماتي بين اطباعه حيرانه
كرم لوجود لوطيبه وبوصل وين الوفه المحار وصاير قلبه الدانه
فيامن ذاب حبَ في ابا الاحرار
عشيقا وعطاه شابهُ الامطار
ومن فيض سماهُ ترتوي الأزهار
وفي كل النواحي خلف التذكار
على خط النبي محمد صل الله عليه وآله وسلم
نضمت آنه ألقصيده موزعه بوزنين وكل فقره صغيره وبيها ريحانه
وألاحض حتى للماتم بعد بابين وفي الواقع ترى آلاف بيبانه
تعالو نلتفت لو لحضه للبابين ونربطها بشريط اتزينه الوانه
ونتخيل علينه طلت السيدين يفتحو هلصرح والناس فرحانه
يطل السيد احمد ناشر الذرعين وشايل باقه منه الروح لهفانه
وسيد هاشم ايطل بس بصير العين ومستبشر يشوف اوجوه خلانه
ويفتتحون هلماتم من البابن وكل لحباب كلها تحضر اويانه
وعذروني اذاناسي اسم اسمين ترى الي يسجل الاسماء موآنه
يسجلها بسجلاته الشهيد احسين وكل لرواح كلها بوصله ربحانه
وهذي نعيع منبع من قبل قبلين تيض بشوق للمضلوم مولانه
تقول الانباء والأخبار
بئن النعيم بلد الأخيار
لها اسمُ تعالى فوق كل شعار
ولها المجد يصلي كل نهار
محفوفتَ بحب النبي محمد صل الله عليه وآله وسلم
| 
